حسبي اللــــــه.....شفتوا الدكتور عمل ايه معايا وانا بكشف عنده

حسبي الله ونعم الوكيل بجد
ولا حول ولا قوة الا بالله
الدنيا بقت مالها يابنات
والناس بقت وحشه كدة ليه
حتى الدكاترة ؟؟؟؟؟؟؟؟؟
اومال القسم اللى حالفينه دة ايييييييييييه؟؟؟؟؟
ماتتخضوش كدة الموضوع مش مثير مع انى عارفاكم تموتوا فى الاثارة والأكشن
ههههههههههههههههههههه
يلا انا خضيتكوا بس سامحونى عاوزاكم تدخلوا تضحكوا بقي
امبارح رحت لدكتور تخسيس من اللى بيعملوا اعلانات على القنوات
وبيقولوا انه بيعمل جلسات ميزو بيخسس محيط البطن من 5 ل 6 سم فى الجلسه
انا بقه قلت واااااااااااااو كام جلسه وابقي مانيكان
المهم رحت !!!!!!!!!! وياريتنى مارحت
اول مادخلت لقيت العيادة شغال فيها ميوزيك هاديه ومش مشغلين قرآن انا قلت بس....
دا اكيد دكتور روووووووش آآآآآآآآخر حاجه والقلق مسكنى ربنا يسسسسسستر
المهم يافتوكاتى مكنش فى حد غيرى جاى كشف والموجودات كلهم كانوا جلسات
البيه -مع انه المفروض انا موجودة من بدرى- راح لاطعنى استناه يخلص حوالى ساعتين
وكانت الساعه بقت9 مساء وانا اتأخرت ورايحه لوحدى عشان ماما كانت تعبانه شويه
وانا لسه هركب مواصلات وحاجه تخنق
المهم بعد لما حن عليا ودخلتله
أأأأأن أأأأأأأن أأأأأأأأأن
لقيته دكتور صغنون كدة مايعديش 25س
وكمان لابس زى الولاد الملزقين اللى بنشوفهم ف التلفزيون
انا قلت بس..... انا مش مرتاحه ودى اخر مرة ومش هاجى هنا تانى ومش مهم بقي
تمن الكشف(مع العلم انه اغلى من اى دكتور رحتله قبل كدة) مش عارفه ليه
المهم بس خليكوا معايا ومن غير ضررررررب
الدكتور النايتى دة فضل يسألنى أسئله ووالله العظيم كان بيتكلم بالعافيه
وانا اقوله فى ايه يادكتور انت تعبان؟؟؟؟
هههههههههههههههههه
أتااااااااااريه بيناااااااااااااااااااااام
وفجأه راح نايم وسايبنى اخبط دماغى فى الحيطه
وانا مابقيتش عارفه اعمل فيه ايه
والله جالى فكرة اصوره بالموبايل بس قلت حرام التشهير
المهم يافتاتيكى انا فضلت اناااااااااادى واخبطله على الديسك بتاعه لحد ماا الحمد لله قااااااااااام
وولع سيجارة وهنا بقي انا قلت انا ايييييييييه اللى جابنى هنا انا اتخنقت وقلتله انا ماشيه
قالى طيب بس اقعدى وقعد يتحايل عليا لأنها طبعا وحشه فى حقه
المهم قعدت وانا بعض على سنانى من الغيظ
ومن غير مايوزننى ولا اى هبل من ده خااااااااالص
طبعا لأنه دكتور قدرات خاصه
يمكن جاى من القمر ولا احناش عارفين
كتبلى أدويه هبله وطبعا كنت عارفاها لأنى بعيد عنكم خبرة فى الأدويه بتاعت الريجيم كلها
ومارضيتش اقوله اى كلمه وقمت واخدة بعضى وقايمه
مع انى كان المفروض ارمى الروشته فى وشه بس قلت اخلينى مهذذذذبه احسن
انا مش عارفه ياخوااااااااااااتى دكاترة ايه دول
بيتخرجوا من انهى معهد
دول بتوع معهد الصرف الصحى احسن منهم